القلب محزون
والعقل تايه
والكل ماشي
وسط الزحام
الضحكه غابت
والوجه شاحب
والحزن جوانا
أصبح ركام
نشوف الليل
في عز النهار
ونقابل ناس
ووشوش غريبه
تسلم عليها
مايردوا السلام
الهم شايل
والفكر شارد
كأن جواهم
إتحبس الكلام
الهم مش ضيقه
د الهم يأس
وضعف إيمان
علام الهم
يابني الإنسان
دا الرزق مقسوم
ومايخلي محروم
الرزق من خالق
كريم منان
بإيده الخير
وبيرزق الطير
فعلام الهم
وعلام الأحزان
إنسى الهموم
وانهض وقوم
إزرع الأرض
الخير يبان
إزرع الخير
وصلي وصوم
مر وصبار زرعوه
بين إيديك يطلع
ريحان
تكبر وتعلا
وبعرق الجبين
تبني كيان
وإوعاك في يوم
للهم تستسلم
ويكسر همتك
غواية شيطان
ودايما افتكر إنك
تكون إنسان
تكون إنسان
************
وجدي صالح
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.