منذور
ليش ناوي عل الهجر
اني اللي الك منذور
شتريد مني بعد
والله امسيت مقهور
نومي قهر للفجر
ما تحس يا مغرور
اني احبك للابد
وبيك اني مجبور
تدري انت العمر
عليك صاير تنور
شبهتك بضو السحر
والقمر بطلتك مسرور
احبك يا بعد العمر
وعمري مكتوب بسطور
حسنك من يوسف اخذتا
وعفتك طيف الربيع وازهور
هنيالي من حبيتك
حبك فرح وسرور
حبيتك من جنت زغيرون
واليوم انت النور
حبك اذاني بالقلب
وعلاجي يمك مجبور
لو بالحيا تدفني
خيمة الي بقبور
احسبني شما تقول
خليني قلم واسطور
اكتبني حرف بسطر
خالي من النقط منذور
مشيني على امرك
وين تروح وياك جبور
م\ احمد حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.