الوحدة الوطنية.بقلم "عبد الفتاح التلباني"

***(( الوحدة الوطنية ))***
***********************
يامصر فيكى حاجة
جايبة للعالم ذهول
الوحدة باستفاضة
نازل بيها الرسول
وطالبة الإستزادة
مهما الحاقد يقول
والمصر بإتحاده
بيبقى زى الغول
لايهمه تكنولوجيا
ولا النووى المهول
عشان إلهنا واحد
ونسيجنا طبعه واحد
وتلقى بينا القبول
المسلم بإعتقاده
آمن بعيسى رسول
والمهدى فى انتظاره
وعبسى على وصول
ابن العذراء الطاهره
مريم البتول
والقلب بينا واحد
وبالنبض هو يقول
صاموا رمضان معانا
وادبهم مش معقول
نتسحر يبقى معانا
وفطارنادشرحه يطول
يصنع موائد لينا
يعزمنا دايما على طول
فى الثورة معانا واقف
ويضحى بالمعقول
نتوضى يصب علينا
ولصلاتنا يقف ويحول
عشان الهنا واحد
ووطنا برضو واحد
ودايما علينا مشغول
وهو ساكن فى قلوبنا
وعليه أبات مشغول
فى حروبنا صف واحد
وأملنا برضو واحد
وتاريخنا هو يقول
والعالم هيتجنن
ودايما عنده فضول
إيه سبب وحدتنا
يا قاتل او مقتول
وحدتنا هى سلاحنا
والواحد يبقى فلاحنا
عايشين دايما افراحنا
وبالوحدة احنا نجحنا
ونزل بيها الرسول
مخصوص لمصر بلدنا
وهلالنا حاضن لصليبنا
والعالم مايفرقنا
وهنعيش واحد على طول
وانتى القديسه بلدنا
وعزنا وأمجادنا
ومصر فيها المدنه
وكنيسة البتول
عايشين شريانا واحد
وترابنا برضو واحد
ومافيش مابينا جاحد
والعالم كله ذهول
&&&&&&&&&&&&&&&&&&&
** بقلم / عبدالفتاح التلبانى ** المحامى ،،
&&&&&&&&&&&&&&&&&&&