لبيت النداااااا
***********//
بقلم محمود الدخميسي****************
قالت أنا عاشقه البحر
قلت لها عاشق نجوم السما
ونور القناديل
قالت لى. عاشقه القمر
قلت لها في حبك سهرت الليل الطويل
قالت بستني نسيم الفجر وصوت العصافير
قلت لها. في منامي جيتي. وقلبي بيكي طاير. طير
قالت لى أنت ميين
قلت لها. بحراوي. أصيل
فلاح وشارب ميه نيل
حابب أرضي ولون الطين
لعيونك أنا عاشق يابنت الطيبين
لبلدك أنا قاصد. حتي لو طالت المشاوير
لقا القلوب. بعد غياب. سر من أسرار رب العالمين
عرفتي أنا مين
أنا موحد من الموحدين مشتاق للنبي الكريم
خطفوني عيونك الحلوين
بعد ماتهت سنين
رجعت ليكي تاني
أشوف جمالك. لو حتي ثواني
فاكرك. مهما الزمن نساني
صورتك ساكنه خيالي
من أرضي صوتك ناداني
يا عاشقه البحر وموجه العالي
بركاتك بأبو العباس. خليت الجميل ناداني
مدد يا مرسي. علي بابك دعيت. تتحقق أحلامي
قالت لي عاشقه الأثر والنيل
قلت لها أنا شارب ميه نيل
وحبك راواني
قالت بحب السفر
قلت لها. وشك اتحفر في قلبي
من أول ماشوفتك في منامي
يا عاشقه الحجر والمواويل
تعالي علي مركبي. وسط النيل
كملي معايا رحلتي. أنا في حضنك. أسير
معاك مهما كبر السن طفل صغير
فداك روحي يا روح الروح
يا ورده فتحت. في الربيع
محلاها ضحكتك. حتي لو ابتسامه. في السريع
موج البحر ناداني. لبيت أنا النداااااا
قصدت ليكي الطريق.
وقلبي مليان بالشوق والحنين
لقلب جرحته الأيام والسنين
جايب معايا فرحته
والعشق بكل أشكاله
القلب الأبيض زادت فرحته
لما الحب عرف مكانه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.