خليك ... تملى حكيم *** بقلم عادل جاد

 خليك .... تملى حكيم

*****

أصحى الدنيا يوم ويوم

عمرها مادامت الهموم

خلى الأمل ببكرة محضون

دا حتى بكرة مش مضمون

بس تملى أحسن الظنون

ملعونة هية دى العيون

بتبص للفحش علطول

الصدر بالحقد مغلول

ارضى تملى بالمقسوم

هتعيش العمر مسرور

بلاش تبقا مغرور

خلى التواضع منصور

التفاؤل بصدرك بحور

بلاش ع الحق تجور

أياك وقول الزور

لصلة الرحم صل وزور

هتلاقى الرزق موفور

قبرك كله نور فى نور

تملى أحسن النية

أتعامل بسماح وحنبة

أمشى تملى فى الخير

الكل يعملك لايك وشير

خليك دايما له سفير

بالتوكل على الله سير

بلاش تبقا للهوا أسير

تكون لإبليس عميل

تعيش دنيتك ملك وأمير

تلاقى رحمة ربنا كتير

على دينك ووطنك غير

بلاش تبص للغير

خليك تملى حكيم

بالحكمة تعيش فى نعيم

من غيرها تعيس ويتيم

لقبك تملى آثيم

****

بقلم

عادل جاد

٢٢

مشاركة واحدة

أعجبني

تعليق

مشاركة