(( رساله لأمي ))) كلمات الشساعر \ السيد علي القن

 ((( رساله لأمي )))

ياه يا أمي نفسي أشوفك

نفسي أضمك أو أبوسك

وبأيديا امسح دموعك

نفسي أمسح ياامه خوفك

أو أشيل عنك كسوفك

ياه يا امي لو تقولي

انت ليه زعلانة مني

ولا ليه بعدتي عني

قربي و ضميني ضمه

ده أنت دمك جوه مني

حتي قلبك بين ضلوعي

ياه يا أمي لو تيجيني

كنت يا امه تفرحيني

من زمان وحشاني ياأمه

تعرفي محتاج لضمه

نفسي تيجي واسمعك

نفسي تاني اكلمك

تفهميني وافهمك

ماالحمول زادت عليا

والهموم زادت قوي

كل شئ صعب ياأمي

وعارفه ايه اصعب عليا

ياامه انك مش معايا

عارفه ياامه قلبي

من غيرك خلاص

قلبي محتاج للخلاص

قلبي محتاج لوجودك

نفسي اطمن معاكي

واترمي ف حضنك

وافضفض،واحكي ليكي

كل شئ نفسي أقوله

حتي احكيلك همومي

نفسي ياأمه تسمعيني

تمسحي بأيديك عينا

تمسحي بأيديك عليا

تطمني قلبي تواسيني

ما انت ياامه

واحشه قلبي

و واحشه عيني

دثريني دثريني ،

مد ايدك واحضنيني

داوي قلبي واغفرلي

لو ف يوم قصرت يا امه

او ف يوم كنت أناني

حطي نفسك طب مكاني

اصلنا في ايام عصيبه

اصلنا في ايام غريبه

مين بيسأل عن أخوه

مين بيترحم لابوه

مين يواسي مره أخته

او بياخد أيد أخوه

كلنا اتفرقنا يا امه

والحياه والعيشه مره

والكورونا صعبه ياامه

كل يوم تخطف الوف

والقلوب مليانه خوف

تيجي ياامه في الانوف

بعدها يادوب نشوف

نعيه ياامه في الصحف

حتي موت الناس طفف

واللي زاد انا احنا شفنا

كل شئ مكشوف امامنا

والبكا ضاع من عنينا

والدموع عزت علينا

ياه ياامي.. ياه ياامي

احكي ايه انا ولا ايه

الخلايق شكل تاني

والزمن اصبح اناني

والحياة اتغيرت

والقلوب اتحجرت

كله شئ بقي بالفلوس

والنفوس غير النفوس

كلنا عايشين كابوس

الضمير بقي منعدم

واحنا رايحين للعدم

رغم ده عايشين غلابه

اصلنا عايشين ف غابه

بين اسود اوبين ديابه

ف اللي يأكل لحم اخوه

واللي يشرب دم أخته

واللي للدنيا جابوه

غصب عنه وعن أبوه

والنهايه مصيبه ياأماه

والقيامه جايه جايه

وكلنا واقفين طابور

واللي مستني ف دور

اصلنا ف اخر الزمان

كل شئ واضح تمام

عارف انك حاسه بينا

ونفسي ياأماه تسألينا

وتقوللنا أيه جرالكم

ايه اللي فرق شملكم

وايه اللي مزق صفكم

واللي ضيع حبكم

واللي شتت أمركم

بعد ماكنا لمه أيدوأمه

ياه ياامي..ياه ياامي

أحكي ايه أنا ولا أيه

وانت يخفي عنك ايه

ماانت حاسه بكل حاجه

وكل شئ اصبح زياده

وكل شئ واضح أمامك

وكله بقي واضح لديكي

واحنا محتاجين اليكي

ترجعي الحب اللي بينا

ترجعينا تاني لمه

زي ما اتربينا ياامه

كلمات الشاعر/السيد علي القن

عرض الرؤى

معدل وصول المنشور: ٣٠

٣سماح الحنفي، فهدالصحراء الجرئ وشخص آخر

٩ تعليقات

أعجبني

تعليق