( يارتني طير )
خِلص بيني وبين حبيبي كل الخصام
والعيون السهرانه خلاص هتنام
هنغني ونرقص ونقول احلي كلام
ونقول لليل خليك يا ليل بلاش نهار
خلينا نحب ونعشق ونعلم العشاق
دالخصام ياما عذبنا وكوانا بالنار
تعالي حبيبي نروي عطشنا ونطفي نار الأشواق
ونخلي الدنيا تفرح معانا بحبنا وغرامنا
وتنسينا ليالي عذابنا وجحيم خصامنا
وياقمرالليل ويا نجوم السما وياطيور
اشهدوا وافرحوا معانا وهنوا حبيبي وهنوني
وهاتوا معاكم لحبيبي كل الورود والزهور
ورشو المسك والعود علينا وفرحوني
وآه من نار حبك حبيبي وحلاوة حنانه
وآه م اللي عملوا فيآ قلبك وعذاب خصامه
واحنا حبنا محدش عرفوا من الحبايب قبلنا
تعالي نعلم حبايب الدنيا ازاي تحب زينا
والطيور حوالينا فرحانه والشموع منوره عشنا
والزهور تفتح ويفوح عبيرها لحبنا
الله ع الحب من غير الم وجراح وانين
يارتني طير ياحبيبي وليا جناحين
أطير للسما وافضل طاير بيهم سنه
وأنقش حروف اسمك حبيبي بإيدي انا
وكلمة بحبك علي كل نجمه من نجوم السما
وأقول للقمر يفضل منور علي طول
وحروف إسمك مزينه النجوم ومخلياها مش معقول
خواطر...( أشرف الدغيدي )
حقوق النشر والطبع محفوظه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.