( وخدني موج الهوآ )
وخدني موج الهوا لعشقه وغرامه وغرقني
وإحتار عقلي وانهار قلبي لما هواه غلبني
ولمين من حبيبي ومن حبه أشكي واحكي
واه ع اللي جرالي من اللي شاغل بالي
حبيبي وعلمني هواه سهر الليالي
ومن حال لحال إتغيرت كل أحوالي
والحلم الجميل اللي حلمت بيه وكتير كان واحشني
جاني ومعاه حبيبي اللي كان طيفه سنين مواعدني
جاني وفرحني بيه من بعد طول غياب
نساني قسوة أيامي وطول الليالي والعذاب
ياما كنت انادي علي طيفه واعاتبه عتاب الاحباب
واقوله ياواحشني تعالي انا قلبي ليك مشتاق
قرب مني خليني اشوف في عنيك الأشواق
إلمس إيديا وخليني أحس بحلاوة الحنان
واحضني خليني أحس بالراحه والأمان
اتعودت عليك حبيبي وعلي هواك من زمان
واه ياليالي جميله معاك كانت مستنياني
والحلم الجميل اتحقق ويا حبيبي لما جاني
وآه يا حب آه ..وآه م اللي جرالي
كل ده يا قلبي فرح وهنا حاسس بيه
وكل ده يا أنا عشق وغرام وقعت فيه
غيرت حياتي يا حب والدنيا احلوت كده ليه
وازاي هقدر اتحمل كل الحب اللي أنا شايفه في عنيه
ولو غاب عني حبيبي هعمل في قلبي ايه
دا هواه صبح هو دوايا وقربه صبح كل هنايا
ومن يوم ماحبه ناداني والدنيا كلها حسداني
علي طول حبيبي وروحي معايا
ومابقيتش خلاص أعيش تاني وحداني
خواطر ( اشرف الدغيدي )
حقوق الملكية محفوظه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.