كنا بقيم وأخلاق بقينا بسحنه سقيمه
لماهانزالكرام فينا على ولاد اللئيمه
جانا اليوم ضاعت فينا القيم والقيمه
بعد ماكنا بيت وعيله وباللمه حميمه
الشاب بكبيره ويبوس إيده الكريمه
بيحمي جارته وحارته والنيه سليمه
دي تهدي جارتها مش وجبنه قديمه
ودي ترد لها الصينيه وعليها وليمه
لما كانت الزفه تلف حارتنا القديمه
بحاوي وعاملي فيها شجيع السيما
الله هاالجبنه القريش ياخاله حليمه
الفسحه أكلة بطاطا عالنيل بنسيمه
وبقرطاسين ترمس وحمص للحبيبه
بعسليه وحرانكش بعجميه وبسيمه
ويضيق الحال نشد عالبطن تحزيمه
ياريت ياأيام تعودي بالخير ونعيمه
ايام ماكنا بنجيب طبق فول بقرش
وبجنيه خضار ولحمه بنملا الكرش
نخطب البنت والعريس ماينقهرش
بألف جنيه بنزفها و بيتها بينفرش
وراضيين بقليله والخير مايتنكرش
كنا نخبط عالجار يفتح ومايسالش
لا آنت مين ولا ليه ورمله ينفرش
الجار للجار باب مفتوح ماينقفلش
إزاي الغريب ف دارنا ماينكرمش
و غايبنا حاضر وعياله ماتنحرمش
بتحرسهم عين مايغمض لها رمش
حارتنا في أمان غفيرها ماينامش
لما كنا لبعضنا ستر وغطا وفرش
أخويا بيحك جلدي ولو مشاورتش
ادينا إتقهرنا الغم والهم مايتلمش
بقينا لومعاك قرش تسوى قرش
وحكاية الأمم إلأخلاق متنضمنش
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.