#عاوزة أروح الجنة.
بقلمي#سولافابسيوني.
أنا عاوزه
أروح الجنة
ليا هناك
أحباب.
وحشوا كتير
عنيا و قلبي
من غيابهم
داب.
عاوزه أوصل
عندهم وأطير
فوق السحاب.
أخبط يفتح لي
خازن وأخطي
ع الأعتاب.
ألمح بعنيا نور
وكاسات وخيام
وحور.
وبيوت لففها
شجر مصفوف
دايرما يدور.
وقصور ملهاش
بيبان ولا حتى
ليها سور.
وحدايق كتيرة
واسعة مليانة
بالزهور.
وفواكه على
كل شكل ولون
كاسيه الشجر
ملياه.
رمان وعنب
وتين و الكوثر
ما أحلاه.
أدوق والطعم
سكر.
أشرب وأشرب
وأكتر.
نقطة من العسل
ترويني ودا
أجمل ما شافت
عيني وحليب
من لون جبيني
وخمره كمان
ما يسكر.
أشوف حبايبي
فين.
صحايين ولا
نايمين ومين
فيها بيغفل
أو تغمض له
عين.
وألف فيها
وأغيب نفسي
أشوف الحبيب
وأشرب شربه
من كفه بيها
البدن يطيب.
وأفضفض معاه
يقعد ويسمعني
بصوته الحنون
يواسيني من
كلمة بتوجعني.
وأبقى معاه
في صحبته
ويكون مني
قريب.
وأفوق من
نومي وأصحى
ألقاه عني غاب.
أتاريني كنت
بحلم من غير
حدود وحساب.
وكل دا من
شوقي لشوفة
الأحباب.
وحشوا كتير
عيوني وقلبي
من غيابهم داب.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.