قصيدة/ حكاية الشوق
من غير ما اقولها أنى بحبها٠
بلاقى قلبى دوغرى يروح يقولها ٠
والاقى الشوق يزيد من نظرة من بعيد٠
والدق فى قلبى زايد والدمع فى عينى أيد٠
قولت ياقلبى مالك ايه بس أللى جرالك ٠
مش كنت زمان ياقلبى عايش بعيد فى حالك٠
لا قولت زمان ياشوق ولا بصيت لفوق ٠
احكيلى وقول ياقلبى واوعاك عنى تخبى٠
واوصفلى عن هواها وحكاية الشوق معاها ٠
لاقيت أنا قلبى داب وفلحظة عاد شباب ٠
يحكى وعيونى تبكى وانا اقوله زيد واحكى ٠
يحكيلى عن جمالها وسحرها ودلالها ٠
وازاى من نظرة واحدة شبك الشوق معاها ٠
خلانى قولت ليه الحب عنى غاب ٠
وسنين حياتى عدت والشعر حتى شاب ٠
لكن حبك ياقلبى خلانى رجعت تانى ٠
اتمنى العمر يرجع حتى ولو ثوانى ٠
واعيش انا وحبيبى ونطير فوق النجوم ٠
وتكون حياتنا صافيه دائما من غير غيوم ٠
ونحلم بحلم واحد يتحقك أكيد فى يوم٠
واروح واقولها انى بحبها ٠
واقول اقلبى اهدى سكنت فى قلبها ٠
شعر/ كمال البنا ١/ ٧/ ٢٠٢٠
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.