*** قلبك ...حبيبي ***
للشاعر / صابر الشناوى
~~~~~~~~~
لو أطول قلبك حبيبى
أعشقه أكتر ..وأكتر
أعمل أيه ده نصيبى
ومش بإيدى ..ده المقدر
لو يكون قلبى بإيدى
أقتله ..من غير ما أفكر
لو أطول قلبك حبيبى
~~~~~~~~
شوق الليالى والسنين
والعيون السهرانين
لسه فيك متعشمين
تحس بيا أو تفكر
ميعرفوش إنك أنانى
بعت قلبى بحب تانى
وبعت حتى معاه زمانى
وأنا لسه فيك بفكر
لو أطول قلبك حبيبى
~~~~~~~~~~
أعشقك من غير ما فكر
وانت فلبك يعند أكتر
وليه فى بعدك شوقى يكبر
وإنت دايما ليا تهجر
ليه شبابى يهون عليك
وأنا روحى دايبه فيك
لو بقى قلبى فى إديك
إقتله لو كنت تقدر
لو أطول قلبك حبيبى
~~~~~~~
وقلبى مش صعبان عليا
لو قتلته باقى ليا
ذكريات أيام هنيه
لما كان وياك بيسهر
باع حياته واشتراك
آدى أخرتها معاك
تقتله بإيدين هواك
وبرضه هو ...يحبك أكتر
لو أطول قلبك حبيبى
أعشقه أكتر وأكتر
أعشقه من غير ما فكر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.