مركبة نسيان
*****************
نظرة وداع من غير أسف متشافة ف عيونِك
متحملة بكل الجحود 
متلونة بلونِك
متلونة بلونِك
كلك وعود ملهاش وجود كلك حنين باهت
كلك حنين باهت
حتي الحقيقة إتكلمت عن كدب مكنونِك
عن كدب مكنونِك
قالت كلام عن حُبِّك الكداب خلا السنين تقفل وراها الباب
خلا السنين تقفل وراها الباب
وتقوللي حاول تنسي إخلاصَك
كل القلوب مش حاسة إحساسَك
حتي الخداع أصبح بدون أسباب
إتكلمي خلي الوداع بالصوت
لو حتي صوتك م الكلام خايف
إتألمي قبل الشعور بالموت معني الألم بعد الممات زايف
معني الألم بعد الممات زايف
خلي الحقيقة ف قصتِك وَهمِك
وإملي السطور بالكدب والأوهام
أصعب شعور إني أكون فاهمِك
وأقبل أكون حدوتة للأيام
رغم الوداع حفضل أكيد موجود
أمَّا الخداع لازم يكون مردود
داين تُدان يا كدبة الأيام
بكرة اللي جاي جايب عليكِ شهود
إنِّك وفية لقلبِك الغدار
أمَّا أنا بينِك وبيني حدود
من حسن حَظِّك إني مش موجوع
حتي الأنين جوايا مش مسموع
حابس دموع القهر ف عيوني
رافض أودع كدبتِك بدموع
ملكيش تمن جوايا بالمَرَّة
كل اللي ليكي مركبة نسيان
ملكيش سوي قصة حنين مُرَّه
حاولِتْ تبيع الحب بالنكران
ولمَّا حَسِّت ب اللي ضاع منها
ملقتش غير الوحدة والحرمان
ماتصدقيش إني حعيش بَعدِك
أبكي الليالي وأشتكي بُعدِك
قلبي اللي حَبِّك قاللي ماتخفشي
أجمل بداية تبتدي بَعدِك
حبدأ أشوف الدنيا بعيوني حبدأ أعيش الحب من تاني
حبدأ أعيش الحب من تاني
حبدأ ألوِّن كلمتي بلوني وأعشق عيون بتحب ألواني
وأعشق عيون بتحب ألواني
حبدأ أكون وأملا فراغ كوني
حتي الدموع ح أجبرها تنساني
أشعار بسام أبو مصطفي 
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.