عادل جاد
أشتريكى ......
*******
أشتريكى وأنتى تملى تبيعى
خابت فيكى كل مشاريعى
كنت فكرك تملى ملك طوعى
غرست الهم بين ضلوعى
دا أنتى يا دنيا زى النسوان
غدارة ومالكبش أمان
بيجرى بعروقك الشيطان
مفيش فى حضنك أى حنان
دا أنتى زى الأزهار
لونك ظهره كله جمال
مستخبى بينه شوك جبار
عبيرك سم غدار
كأن بينك وبنا تار
النور بلون الظلام
الشهد بطعم المرار
الجد شكل الهزار
محدش على دينه غار
يا دنيا مفيش فيكى أبرار
الرسول وصى ع الجار
أساءنا أحنا للجوار
الجار على جاره جار
عدنا بدنيا الأشرار
يعيدنا عن القرآن
معدش ف القلب إيمان
مفيش بنا بر وإحسان
الأخ لاخوه خان
الغنى الفقير هان
مفيش لصلة الرحم وصال
بنقتل بعض عشان المال
محناش معاكى أحرار
جيناكى مالناش خيار
هنسيبك بردو أجبار
من غير سابق إنذار
أنت دار أبتلاء وأختبار
حصاده جنة أو نار
********
بقلم
عادل جاد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.