الشاعر سيد كامل
اخت صاحبي وصديقي
خايف اكون بكلامي
بصدمك
انا عارف اني بكلامي بجرحك
وبالمك
بس ده ارحم بكتير
علشان التي قلبك كبير
لكني عايز افهمك
انتي طريقك غير
طريقي
وعمري مهفكر فيكي
علشان انتي اخت صاحبي
وصديقي
ولو اتغيرت الاحوال
وبعدت انا واخوكي
عن طريق الشمال
هتلاقيني جاي لحد بيتك
علشان اطلب ايديكي
انتي لسه في بداية طريقك
وبتتعلمي
ومش عايزك تبني
فى احلام وفيا
تتعشمي
مش قادر اكدب عليكي
ووعدك
واقولك اني انا هقدر
اسعدك
انا اهون عليا كتير
اني عن حياتي
ابعدك
ياريتك تشوفي حد غيري
يمكن غيري ده يقدر
يسعدك
يمكن يكون ده حظي
وبختي
انك متكونيش عندي اكتر
من اختي
انا مش بقلل من شانك
انتي في جمال القمر فى
ضيوه
وانا بعترفلك من كل قلبي
اني فى جمالك مشوفتش
زيوه
انتي لسه بتتعلمي
ومش عايزك تتعلقي بيا
وتتالمي
تعالي نسيبها كده ونشوف
يمكن تتغير الظروف
وانا كمان اتغير
واستحق اكون ليكي
لما اجي واطلب ايديكي
عايزك تتبهي بيا قدام
صحابك
مش لما اكون واقف معاكي
تنكسفي مني واكون سبب
فى عذابك
اوعي تفكري اني انا مش
شاريكي
بس بجد انا نفسي اكون
جدير بيكي
واستحق اني افوز بيكي
اصلي انتي مش واحده
وخلاص
علشان اتساله بيها
واضحك الناس عليها
لو خدتي بالك من كلامي
هتعرفي اني ده الحب
الحقيقي
ما انتي مش اي واحده
وخلاص
انتي يابت اخت صاحبي
وصديقي
دلوقتي انا بعترفلك
اني في اوقات كثيره بفكر
فيكي
وفي كل حلم انا بحلم
بيكي
بس بحاول ابعدك عن
طريقي
علشان انتي اخت صاحبي
وصديقي
اخت صاحبي وصديقي
كلمات سيد كامل
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.