خواطر رجائية......بقلمي رجاء عبد الرازق

خواطر رجائية
عن خناقة زوجية بين صابر وذكية
وشوية تسلية
سايبني وحدي اشرب المر
وقاعد على الفيس تكلم الكل
وأنا من الغيظ العرق بيصر
وكلامك علي الفيس زي الفل
قوم ياراجل اشتري الفول
وبلاش تصول قوي وتجول
اسكتي ياولية خليكي في حالك
وامسكى كلامك ولسانك
سايب ولادك زي الوحوش
ولا بتتكلم ولا بتحوش
وكل الشغل علي دماغي كتير
وانت ولا بتهش ولا بتغيير
بصي لنفسك في المراية
هتلاقي نفسك زي الحداية
يا خيبتي القوية يا كرنبه هانم
النكد عل طول صاحي ونايم
ثوم وبصل وشعر منكوش
وتقولوا كمان حلق حوش
قال يعني الواد دون جوان
والله شكلك يجيب الجنان
تعالي شوفي البنات الحلويين
قمر وخفة وزين الزين
عوزاني ياولية اغسل المواعين
يومك أن شاء الله طين في طين
انا احترت معاك ياراجل يا كروكوب
لا بتشتغل حاجة وحامل للذنوب
قاعد في البيت لا شغله ولا مشغله
مفيش غير الشتيمه والمهزله
انا هسيبك تعرف قيمتي
وفي الأخر هتقول يا حبيبتي
انت والله حبيبتي بجد
ولا فيش في الدنيا زيك حد
انا كنت بهزر يا راجلي الغالي
انت حبيبي وانت موالي
ماليش غيرك يا بو ولادي
انت املي وانت ذادي
بس ماتنساش تجيب الفول
وسيبدك بقي من الكلام المعسول
بقلمي رجاء عبد الرازق