انا مش هقولك
انا مش هقولك ... ان حياتى من غيرك
هتوقف واضيع
ولا فى يوم تفكر ... انى لحُبك قلبى يرق
ويسميك ليه تانى حبيب ... منتا عرفته ازاى يأسى ويبيع
لا يا انت حتى ملامحك ... عن بالى بتروح وبتضيع
لاء انا مش هقولك
ولا هسمحك انك تحس ... انى يهمنى بُعد لياليك
مهى كانت ليا فى اوهامى ... وانا تعبت فيها كتير
منا يا انت كان صبرى ... عليك باله طويل
انا مش هقولك ... ان حياتى من غيرك
هتوقف واضيع
دا انت فى بُعدى ... عمرك ما يحلالك ليل
ولا هتشوف النجمه ... اللى بتلالى ليه
ولا هقولك انك بُعدك .. ورانى الويل
ولا كان لائق عليك دور الشك ... منا كنت لعبه فى ايديك
انا مش هقولك .... ان حياتى من غيرك
هتوقف واضيع
وانا عن نفسى ومن غيرك ... بقيت عايشه احلى حياه
ولا هرجعلك تانى ... منا سبت معاك كلمه آه
وكدا ايامى بتحلالى ... ولا هرجع تانى لاحزانى
ولا هقولك انت ضى العين ... ودوق انت من غيرى
طعم الـ آه
انا مش هقولك ... ان حياتى من غيرك
هتوقف واضيع
من كتاباتى
هشام عبدالله
من مصر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.