رجعت الصيفية....جرجس لفلوف

رجعت الصيفية.....شعر عامي ...يراع شاعر
اشتقت لشوية شتي تطوف البستان
اشتقت لشوية تلج تبيض الحيطان
اشتقت للكستنا أشويها على النيران
منقل ودلة وحكي ستي ايام زمان
اشتقت للحصيرة وفرشة البلان
اه يازمان عليك شو صرت ندمان
حتى اولاد هالضيعة نسيوا كمان
حكايات ستن وتينات هالبستان
سيمون وحنا وطوني ومعن وسليمان
ما بقي مونة وملوا من حكي النسوان
بدنا شغل بدنا عمل والسوق تلفان
والصيف جايي نحصد قمح ونحوش الرمان
وعالبيادر نلعب شباب وصبايا آه يا زمان
جرجس لفلوف سورية