أمانه عليك......بقلم الشاعر .. محمد البريمى ..

شعر غنائى ..
(( أمانه عليك ))
أمانه عليك يا هوى .. لو عديت يم الأحبه ..

لتبلغهم سلامنا .. و تحكيلهم ع المحبه ..

قد إيه إشتاقنالهم .. ياترى إيه اللى شاغلهم ..

م بيسألوش ولا على بالهم .. و مطولين ف الغربه ..

أمانه عليك يا هوى ..

كل دقيقه بتفوت علينا .. كأنها أيام و ليالى ..

لا شوق ولا نسمه تهدينا .. و القمر لم يبالى ..

البال مشغول حيران .. و حبيبى عاصى مش دريان ..

أعمله إيه حجرصوان .. و قلبه م الحب خالى ..

أمانه عليك يا هوى ..

كل ليله ف المنام .. بأنتظر منه السلام ..

و عيونى تسهر م تنام .. ونا بأعد الأيام ..

لا جانى ولا دق باب .. ولا بعت مع الشوق عتاب

سؤال مش لاقيله جواب .. قالى الهوى خلص الكلام ..

أمانه عليك يا هوى ..

بقلم الشاعر ..
محمد البريمى ..