( النفاق) كلمات/صبرى حسين

( النفاق) كلمات/صبرى حسين
حتى النفاق
بقى في نفاق
منافق ينافق منافق
وده فاهم وده فاهم
لكن لان النفاق طبعهم
بينافقوا ولا بيهمهم
ده بيطبل لده
وده بيغني على ده
يا سلام سلم
قول تاني وسمعنا يا معلم
ده انت كلامك عظيم
تعال نعيد من تاني الكلام
يا منافقنا الكبير
انت انسان خطير
قول قول يا كبير
انا تلميذك الصغير
علمنا صنوف النفاق
مانعرف غيره طريق
النفاق النفاق
قول يا عمنا
متع سمعنا
أروى عطشنا
خلينا بالنفاق نعلي ونكبر
عايزين كلامنا يكون احلى من السكر
نظهر في اجمل مظهر
نكون مواكبين العصر
يا منافق يا حقير
كفاية لعب على كل الحبال
اعرف انك اخرتك تحت النعال
مهما تعلي وتكبر
انت كائن حقير
مسخ بلا روح ولاضمير
طريقك كله خراب ودمار
يا منافق اعرف انك خاسر
اكبر خسارة خسارتك لنفسك
شوف ازاي بتشوف صورتك
لما تقف قصاد مرايتك
فعلا انا كلب حقير
مات جوايا الضمير
بقيت زي النار
بحرق اللي يقابلني بدون تفكير
ايوة فعلا النفاق ده شئ خطير
المنافق حقا وصدقا حقير
كائن معدوم الضمير
آخرته نار السعير
صبري حسين