لو دورتي عن الحب بعدي راح تلاقيه ياستي سراب
كل ماتفكري إنك خلاص وصلتي مش هتلاقي صحبة ولا أحباب
هتلاقي مصالح تتقضي ويتولد بعدها ألآم وعذاب
هاتضيع المحبة والحنان وتلاقي أشخاص أصبحوا عنك أغراب
روحي ياستي وجربي وخبطي بدل الباب ألف باب
مش هتلاقي غير قلبي أنا بيهدي الحب رغم اللي شايله من العذاب
كنت أتمني نسير الدرب سوا بس المقدر هو الفراق
راح ألملم جروحي وأطيب أنا روحي وأمحي من صوتي أي إختناق
وأقول لروحي بلاش تنوحي وأواسي قلبي من كل لوعة إشتياق
رغم الألآم والعذاب والمشقة وكوي قلبي بالأحتراق
هاأبعد وأكتب بإيدي النهاية بالهجر والفراق
عمر المحبة والمهانة ماكان في بينهم إتفاق
المحبة تبني تعلي وتزرع الألفة والوفاق
والمهانة نار بتحرق الأحبه والأهل والصحاب والرفاق
إحسبيها تاني ياستي وخلي في بينا حبة وفاق
خلي المشاعر هي اللي حاكمه المشاعر مافيش منها نفاق
النفاق والشقاق والرياء طبع الحقود
وإنت إللي إخترتي الفراق رغم المودة والعهود
وساعات الليل الطويلة والقمر عليك شهود
إحسبيها وقرري هايكون في بينا شروط وعقود
مكتوب فيه حبة وصاياوحبة بنود
المودة والسكينة هما أصل التعامل والوجود
الوفا والإخلاص والتفاني من غير حدود
والرحمة والهداية من غير وعود وعهود
بقلمي/ مصطفي محمد حفني
26/11/2019
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.