فى ذكرى فراقك
بقلمي والقائي
========
فى ذكرى فراقك حنيت لصورتك
وبحكي معاها وأجيب فى سيرتك
وتنزف عيوني دموع الحنين
وعايشة بقلبي وفيه الأنين
ملامح حياتي طفاها الحنين
وعايشة عمري عجاف السنين
ويشهد ليلي دموعي تناجيك
بجاوب سؤالي بشوق لعنيك
خطاوي بعادك رايحه لفين
سايب فى قلبي حلاوة وآنين
وكلمة لطيفة ولمسة حنين
انت وغرامي فى صدري سجنتك
تعالى وقيد فى حياتي الشموع
وفضفض معايا وامسح دموع
واهمس فى ودني بنفس الكلام
بحبك وحبك بينهي الخصام
حبيبي فراقك بجد خطيئة
تعالى نعيش فى كل دقيقة
يفوح عبيرك فى كل قصايدي
وأسكن بين جفونك وعايش قصادي
وأسمع فى صمتك كلمة بحبك
لأنك ساكنني وانا سكنتك
ايمي احمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.