هليت ياعيد
من ديوان / ولسه بحلم بفجر
للشاعر / مصطفى فريد
هليت ياعيد والملاهي بقت زحام
مراجيح حديد بتدور حزينه كل عام
على روح شهيد أحلامها فيك صبحت آلام
رافضاك ياعيد طول ما فى سماك رعد وغيام
هليت ياعيد والعرب لسه نيام
إحساس بليد أعلى ما فى خيلهم كلام
قدسى المجيد محتاجة دلوقتى لإمام
محتاجة ايد تدفع سلامها للأمام
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.