بعد عشرين سنه..شعر بقلم الأستاذ/محمود القطوعي..

بعد عشرين سنه..شعر الأستاذ/محمود القطوعي..

بعد عشرين سنه ..

قابلتني ف الطريق مرتين..

مره ف عذابي مع الضنا..

ومره ف كفاح الشقيانين..

ذي كل الناس ما قابلوا..

ذكرى كانت من سنين..

في مدينه من بلاد الهجره..

على كبري م الكباري الجميله..

شوفت طيفها كان حقيقه مش خيال..

كنت خايف من حياتي ومنها امال..

حزني كان ف القلب اكتر م الوصال..

غيمه فوق عنيه وقتها طال..

تاه الأمل والصبر مرر الجمال..

وانكسرت مجروح الخواطر من سؤال..

ليه نصيبي يغيره شيء محال؟!

شعر الأستاذ/محمود القطوعي ..

مره تانيه جوه مينا من موانينا الحزينه..

لما نظرت في عيوني سلمت..

كل دمعه جوه عيني اتحجرت..

حتى روحي من جوه روحي مني جرت..

سلم القلب اللي شاب وسلمت..

طير يمام بين اديا استسلمت ..

والدموع جوه قلبي اتكلمت ..

كان الرد من جوه روح اتأثرت..

والملامح عندها اتغيرت..

وانخلعت من جوه روحي ذي روح..

ولاشفتش اي حاجه غير جروح ..

وافتكرت ايام صبايا والفروح ..

وسألت ساعتها روحي فين تروح..

ما فتكرتش قولت ايه وقتها ..

راحت هي ورحت انا ..

من بعد عشرين سنه ..

شعر الأستاذ/محمود القطوعي..