بلاش تظلمني
....................
بلاش تظلمني ياروح الروح
بلاش تزود فيــــا الجـــروح
هو انت عــراف للكــف تقرأ
ولاعلم الغيب عندك مسموح
تظلمني ليه وتقـــول خيــال
دا حبــي ليك فــوق المحــال
حقيــقه طبعـــاً مش خيــــال
سبني وقلبي نصطفل
مين قالك أني عاوزك بحبي
تعترف
أوحتي تشاركني فيه الشعور
دا حب مش اي حب زى موج
البحر عاتي
حب انت متعرفوش
حب بالقلب راسخ مش رتوش
مش معني أني بحبك انت لازم
تحبني
أو أني أودك أنت كمان لازم تودني
لا ياروحي أسمحلي أقولك حبك
عقيم حبك قديم عفي عليه الزمن
حبي ليك من نوع جديد
في شدته زي الحديد لا يمكن
يثنيه الزمن
كفايه أني اشوفك كفايه أن ابص
في عنيك أو حتي المس أديك
كفايه أطمن عليك من غير دموع
من غير نهم
حبي ليك من غير كلام يعني رعايه
وأهتمام مش كلمه بس والسلام
تقولها و ألاقيك في عدم
حب مفهوش مقابل مفهوش زي
محبك حبني وإلا يكون عدم
تظلمني ليه وتقول خيال من غير
دليل من غير برهان
هو أنت اعلم بالقلوب ولا عنك
مكشوف الحجاب
ورغم كل اللي حصل هسامحك
دا شئ أكيد
أصلك متعرفش ياروحي قد أيه
انا بحبك وحبك بيجري بالوريد
زي السيول ليوم إحتدم
حبك حقيقي مش خيال حبك
على صدري جثم
يوم عن يوم الاقيه يزيد على
ملامحي بيترسم
بلاش ياروحي تقول خيال الأمر
بقلبي أتحسم
خليك بعيد وسبني أحبك انا وقلبى
نصطفل
بقلمي سليم الغنام
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.