اسعدتم صباحا اهلي احبتي اخواني اخواتي اصدقائي الاعزاء كل عام وانتم بخير
===
يا ريت يا عيد الاضحيه تكون
عن جد عيد بفرح يغمرنا
شبعنا ماّسي ماليه هالكون
وبكل قطر الموت ناطرنا
رجع البسمه للقلب وعيون
يا عيد كثر الحقد دمرنا
هات المحبه ظاهر ومضمون
وورودها تفتح تعطرنا
رجع لنا نهج الصدق مضمون
نهج الكذب يا عيد مرمرنا
سيف الظلم ع رقابنا مسنون
هات العدل ينهي وبؤمرنا
يوقف عجلة الحقد هالمجنون
خلي الوفا بحيي ضمايرنا
تا ما يظل ولا شخص محزون
بيصير كل واحد الك ممنون
ويا ربنا اجبر خواطرنا
وبكل خير وفرح بشرنا
=== محمود شبيب ===
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.