لملم جراحك
لملم جراحك
ياصديقي وهدى
وافرد شراعك
للسفينه تعدى
كتر التواح
على راح
مايفيد
واللى انتهى
عمره انقضى
مايزيد
خلى الآلم
بذرة امل لجديــد
نعبر عليها
للفرح ونعدى
-------------------------------------------
امشى مع الآيام
واصبر على جروحك
بكره الجروح هتنام
و ترد فيك روحك
اكبر على الآحزان
واعلى على دموعك
ياعاشق الآحزان
بتهد فى صروحك
الحزن زى النار
تحت الرماد بيقيد
ان سبته للتيار
مع كل يوم هيزيد
واللى اتبنى ينهار
وقته ---- الدموع ماتفيد
الصبر سقف امان
خليه على سطوحك
----------------------------------------
النفس لما تغيب
والعقل يتخبى
تسحبنا للسراديب
الحيره م ا لأ به
لا جرح لينا يطيب
ولا عمره يتعافى
والآبن ينشأ دوم
على زى ما تربى
ما تسيبش روحك يوم
تنهشها أحزانك
أوتجلدك باللوم
أو تنسى عنوانك
خلى طريقك دوم
فيه يصحى انسانك
وان كنت ناوى العوم
حاول وهتعدى
-----------------------------
أحمد محمود عوض سعيد
الرحامنة /فارسكور/دمياط
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.