( سهران ليه) كلمات/ صبري حسين
بتسالوني سهران ليه
فين النوم دلوني عليه
انا لي يومين صاحي
مش اعرف اعمل ايه
بفكر في اللي نسيني
اللي طير النوم من عيني
كل ما اغمض عيوني
القيه بيناديني
موجوع والله ياقلبي
موجوع ولا عارف تخبي
دايما مشغول عليه
قولي ولاتخبي يا قلبي
ازاي اشرحله حبي
انا نفسي يحس بي
ويفهم كلام عنيه
انا قلبي كله حنيه
ومالقي منه غير الاسية
قولولي اعمل ايه
انا نفسي منه اقرب
واحكي له عن احوالي
واقوله انت اللي في بالي
وصورتك دايما قصادي
ياحبيي يا نبض قلبي
ايوة بحبك وربي
انت كل امالي
انت فرحة ايامي
انت اللي مسهراني ليلاتي
وحارم جفوني النوم
بتقولولي سهران ليه
ده سؤال مااجاوبش عليه
اجابته معاه هو
اللي ساكن قلبي من جوه
ربنا يحنن قلبه
ويحس بشوقي وحبي
ويقرب شوية مني
انا البعد مش قادر عليه
ولا عارف اقول ايه
يا حبيبي يا روح قلبي
انت اقرب ليا مني
قرب مني شوية
انت عندي كل الدنيا
بحبك وربي شاهد عليا
وهجرك مش قادر عليه
ربنا يخليك ليا
ويهديك يا روحي عليا
بحبك يا غالي
يا قمر في السما عالي
لك بغني موالي
بحبك يا ابن الايه
وحبي مش قادر اخفيه
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.