سباق الحياه
**************
إجرى يا وحش فى سباقك
وكل بإنيابك الغلبان
ودوس الحق فى طريقك
وكل من فاكهة العرقان
وعللي قصورك الفارهه
ونفض عشة الشقيان
..................
كفايه أونطه يامخربش
بجهل رمتنا في الحيرة
عينيك في الجهل ما بترمش
ما جبتش عن علوم سيرة
سكنت الفوضى ومفرفش
ولا ف ليله تبات انسان
...................
حياتنا سباق حاضن في سباق
ولا عارفين .. مين الفايز
وعمر زماننا.. رق وراق
ولا بالحق .. في جوايز
وراح العلم و الاخلاق
وفى رمالنا .. آثار إنسان
...................
حسن الليثي
.................
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.