قصيدة بعنوان((((حكايه شوق ولهفه ))))
عارف شوقى ليك...اد إيه
عارف لما ابقى عايزه أشوفك
ومش عارفه
بيكون ساعتها إحساسى إيه
تقدر تتخيل نار الشوق
بتحرق قلبى إذى وليه
يالى حبك سكن قلبى
وحضن كل مشاعرى
ودبت انا فيه
يافرحت عمرى
اللى اتمنتها سنين
وعشت ليها بكل شوق وحنين
لهفة قلبى عليك
لهفة كل العاشقين
امتى هاتحس بيها
ياطائر الليل الحزين
وتعرف ان ليك....... ف الدنيا حبيب
عايش بحبك وكل همه..... إزى يرضيك
ومش عارف يوصل ليك
عشت بحبك ف جزيرة
عشت فيها أميرة
وجيت ف أحلامك سفيرة
وخدتنى وطيرنا جوة سفينه
سفينه حلوة جميلة
من غير شراع ولامينا
والدنيا دارت بينا
وعدى الليل وصحينا
على حلم صعب يداوينا
وكائن اللى حصل ماكان لينا
وياريتنا ماكنا نمنا ولاحلمنا
ولا نار الشوق عرفت ليالينا
بقلم الأديبة ✏ جيهان الطنطاوى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.