خليك قريب
....................
أنتِ فاكره إني بهرب
أو حتي عنك بغيب
لا ياروحي أسمحيلي
غلطانه وغلطك رهيب
انت جوه القلب ساكته
م الشروق حتي المغيب
أوصل الليل بآلامي وجع
دمع نازل صوت نحيب
كل ثانيه وكل لحظه نار
بتكوي
جمر قايد في الحطيب
قلبي عليك يشابي زي
طفل في أيد غريب
مشتاق لحضن إعتاد
عليه
محتاج لنظره تسعده
محتاج لإيد تطبطب عليه
أوحتي بسمه تضحكه
أو قلب دافى يحنو عليه
انتِ فاكره إني بهرب
أو حتي عنك بغيب
لا يا روحي مش هروب
كل الحكايه أن جرحك
في قلبي مش عاوز يطيب
ازاي بس أهرب أو حتي
عنك أغيب
وانا قلبي أصلا رافض
عن حبك يتوب
قلبي عاشقك عشق المحال
عشق الطيور للسما وقت
الغروب
عشق الحقيقه والخيال
عشق علي الجبين مكتوب
عشق البدايه والنهايه
عشق القدر ما يعرف هروب
بس انتِ ليه بتقسي
وقسوتك زي الشروق
لما يجي في يوم شتا
عاوز الدفا الاقيه يدوب
مش حبيبي كنت مني
دايماً قريب
ايه اللي صابك ياقلبي
وعني دايماً تغيب
نفسي ترجع زي ما كنت
قمر بليلي
زي ما كنت ياروحي
مني دايماً قريب
زي ما كنت نسمه في ربيعي
ضحكه في ليل النحيب
دا أنت كل اللي ليا في
دنيتي
مالي غيرك في الدنيا حبيب
عشان خاطري أوعي عني
تاني تبعد أو عني يوم
تغيب
خليك قريب
بقلمي سليم الغنام A,S
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.