كلامك معايا بقلم الشاعر .. محمد البريمى ..

شعر غنائى ..

( كلامك معايا )

كلامك معايا راح فين .. هفتكرك مش هنساك ..

حتى لو م حصلش نصيب .. انا عقلى وياك ..

فين راحت وعودك .. و الأحلام الورديه ..

و الضحكه و الإبتسامه .. و حلاوه الملاغيه ..

كلامك معايا ..

يا عمرى إنت حبيبى .. و إنت أعز الناس ..

ونا أقولك يا حبيبتى .. أنا نفس الإحساس ..

خايف للعمر ياخدنى .. و يخطف منى فرحتى ..

ونا هايم بين إيديكى .. و حاضن دنيتى ..

كلامك معايا ..

ع الشات ياما إتقابلنا .. و كتبنا لبعض رسايل ..

ونا فاكر كل كلامنا .. ع الحب و ع الجدايل ..

أنا أكتب و أقول بحبك .. و إنتى تقولى ونا أكتر ..

أبعتلك ورده و فله .. تبعتيلى قلب أخضر ..

كلامك معايا ..

و إن سألتك ع الحب مره .. تقوليلى يا حبيبى بأعشقك ..

دا إنت لو غبت عنى ف مره .. شوقى يسبقك ..

و أفضل سهرانه منمش الليل .. و الفكر ياخدنى معاه لبعيد ...

و النوم يداعب عنيا .. و الشوق ليك يزيد ..

كلامك معايا ..

ونا حالف لأستناكى .. يا حبيبتى و حشتينى ..

و أحكيلك عن غرامى .. و أشواقى و حنينى ..

و أصارحك بشعورى .. ف كلمتين من أشعارى ..

و أنقلك إحساس قلبى .. و أشكيلك عن أعزارى ..

كلامك معايا ..

بقلم الشاعر ..

محمد البريمى ..