أغنية...حبيبي
حبيبي ياللي خطفني في هواك...
سحر جمال عنيك...
دنا روحي و جسدي سافرو ليك...
ونا قاعده لسه...
في مطرحي با أفكر فيك...
و الليل بأسحاره...
ما يساوش نظره من عنيك...
و السما بنجومها...
الشعراء شبهوهم بيك...
حتي دقات قلبي...
بيدقو في صدري...
بس بيدقو ليك و فيك...
و لمست ايديا فرحانة...
أنها في أيام غرامك...
ونا هي مانه فيك...
فرحانه بلمست ايديك...
و لساني اللي بيلمس شفايفي...
ده بيستطعم الباقي...
من قبلات مني ليك...
طعمها كان بطعم حبك...
و كلامك طول لياليك...
فا يا حبيبي خذني...
خذني أعيش في لياليك...
و بلاش تبعتلي طيفك...
ويا خيالك مع حنانك...
يسامرني في الليالي...
لغاية فجري بأناجيك...
با أكون والله أنا محتاره...
أبوسهم أنا فين...
علي الخدين...
و لا بين عنيه...
و لا اخفيه بين أحضاني...
علشان يحس هو...
و تحس إنت بقوة حبي ليك...
دنا روحي و جسدي سافرو ليك...
فا يا حبيبي ياللي خطفني في هواك...
سحر جمال عنيك...
مع تحيات شاعر الوجدان الشاعر السكندري/علي الطاووس
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.