أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الأربعاء، 27 يونيو 2018

الحكاية مش ماتش كورة بقلم وائل سعيد



الحكاية مش ماتش كورة
شوت يمين وهات شمال
أو خسارة ننتظرها
من زمان فى المونديال
الحكاية
فى اللى ساكن جوا أوضة
بمراته واربع عيال
الصغير همه كورة
فايت كتابه والعلام
بس واخد حقه كامل
م الشراب حتى الحزام
كل إيد بتشجعه
إنت البطل و تستحق الإهتمام
والكبير كان فى الشهادة
شوف هيصرف إيه وكام
لو عاز قلم وكتاب زيادة
العيلة تبقى فى إنقسام
واللبس من يوم الولادة
يتلبس قيام نيام
والعلاج شئ م الجهالة
وصفة حميدة أم إبتسام
ساعة الغدا مناب زيادة
لأبو كورة سايب العلام
لو زور أو جاتله نوبه
يروح للدكتور أوام
الرياضة مش جريمة
بس لازم إلتزام
زى ما بندى كورة
الصحة تاخد والعلام
والكل ياخد فيديو وصورة
لو كان راجل أو كان مدام
الحكاية مش ماتش كورة
داحنا شعب ناقص علام
........وائل سعيد.....

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.