لما تحس بقلم الشاعر/ شرف الدين فاروق أحمد

لما تحس

000000

لما تحس بلحظة ضيق

وتبقي في بحر الهم غريق

وإن الحال مابقاش بيسُر

وإن الدنيا عليك بتضيق

.....

فكر لحظة وشوف بعينك

اللي بيعاني من حواليك

واللي ظروفه أصعب منّك

واللي مالوش غير همه صديق

لما تحس بلحظة ضيق

.....

اللي اتمني يملك قوته

وبيستني لحظة موته

واللي كلامه زي سكوته

واللي ماعادش بيملك شئ

لما تحس بلحظة ضيق

.....

اللي فاقد أغلى ماليه 

اللي صورته ساكنة عينيه

واللي الدنيا جايه عليه

واللي مالوش غير جرحه طريق 

لما تحس بلحظة ضيق

....

الشاعر/ شرف الدين فاروق أحمد