أغنية...وشوشه
وشوشة الحبيب دي...
أحلي وشوشه في وداني...
ماهو ما بين القلب و اللسان...
بيكرم الحب أو يهان...
و أنت يا حبيبي إنت...
تملي حبك علي طرف لسان...
يوم فهنا و التاني فعذاب...
ونا وجداني و مشاعري و إحساسي...
ادينا أهو ماشين وراك بسكات...
تاخدنا في مراكب الأحلام...
ترمينا في بحر الظلمات...
راضين بالمقسوم منك...
و بنقولك هات...
يا حبيبي هات كمان...
و يوم لما قلبك ينطق فيه بحبك...
بتدخل الفرحه لقلبي...
و يرقص في حضنك بالأيام...
و يبات طول ليله بيك رضيان...
و يحلم انه بكره في منك له...
زايده في الحب و الأشواق...
و أسهرلك أنا بشوقي علي الشباك...
ماسكه في أيدي أنا...
قلم و ورقه و كراس...
أوصف فيهم ليك حبي و الغرام...
و أحط عليهم ليك...
هيامي لعيونك و الأشواق...
و أختم جوابي بشفايف حبي...
إللي لون الروج فيهم بلون الغياب...
و أبعتهولك مع بوسطجي الأمال...
يمكن تحس ياحبي...
إنك نايم هنا جانبي...
و لا يمكن لخيالك إنه يفارقني...
ده مكحل عيني و رمشي برغم الفراق...
ياريت بقى تقراء جوابي يا حبيبي...
يمكن تمنح لقلبي حب...
ذي اللي نايم في عقلي...
و وجداني أيوه كده تمام...
ما هو ده حالي يا حبيبي وياك...
لما يكون حبك...
مش راسي له في مكان...
و بتعذبني بحنان قلبك ساعات...
و ترجع تضربني من تاني...
بكرابيج أسواط اللسان...
ما تيجي بقى يا حبيبي...
خلي حبك محله القلب...
و عبر بيه إنت باللسان...
لحسن أنا بقي كده قلبي...
ح يهرب من حبك و يمكن ينساه...
ده طول الأسيه منك...
عودته على الحرمان...
فا ما تخليش وشوشتي دي هي...
تكون فيها كلمات وداع...
ما هو ما بين القلب و اللسان...
بيكرم الحب أو يهان...
و أنت يا حبيبي أنت...
تملي حبك علي طرف لسان...
يوم فهنا و التاني فعذاب...
ما بين القلب و اللسان...
مع تحيات شَاعِرٌ الْوِجْدَان
الشاعر السكندري/علي الطاووس
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.