رهينه الحب (293) ............... بقلم صبري رسلان

 رهينه الحب (293)

...............

ورسمت قلبي عالورق

محبوس فيه شوقه

وليلاتي بسمع شكويته من ٱه شجونه ..

حساه يداري دمعته

ويخبي عني

وناسي إنه نبضه فيا

وحته مني ..

إنا أيه اللي خلاني أظلمك يا قلبي تاني

وأرجع لماضي باع هوانا

وقال نساني ..

ياما دوقنا لسنين المرار

وبكلمه أسامح ..

وأدوب بنظره

وأتوه معاه

وأنسى إنه جارح

لا أنا قادره أصبر عالبعاد

وخصامه ليا

وفى كل مره أصدقه

أكدب عينيه

وأحس ذنب فراقي ليه

كده هان عليا ..

عارفه إنه شوك ماشيه

عليه مش غصب عني

وراضيه كدبه وقسوته

عشقه في دمي

هفضل أغمض ليل عيوني وله أسيره

وأدوق مراره نبض تاه

ما بيدي حيله ..

وروحه عايشه جوا مني سنين طويله ..

مشتاقه يسجني

في هواه

راضيه برهينه ..

بقلم .. صبري رسلان

عرض الرؤى

معدل وصول المنشور: ٣٦

٤سماح الحنفي، أيام من عمري وشخصان آخران

١٤ تعليقًا

أعجبني

تعليق