( حب من طرف واحد ) :
حبيتها
ما حبتنيش
لاغيتها
ما جاوبتنيش
رحت لها
ما فتحتليش
طب اعمل ايه انا تاني ؟
قاعد في البيت ومستني
تيجيني ف يوم وترحمني
تحس بشوقي تفهمني
تحن لقلبي وحناني
لا جاتني ولا سألت فيا
ولا شافت دمعي ف عينيه
تعبت معاها ملاغيه
حعيش عمري وانا بعاني
يغور الحب وسنينه
مفيش راحة بيني وبينه
عاجبنا وماحنش عاجبينه
تعبني الحب وضناني
ده حب من طرف واحد
أقرب هي تتباعد
احب وهي بتعاند
لقلبي كنت انا الجاني
لازم أبعد وانساها
وانسى جفاها وأساها
حبيتها وقلبي يهواها
وهي مش بتهواني
حسيت بحسرة وندامه
تعبت كتير كتير ياما
الحب عزه وكرامه
يقوي عزمي وكياني
هحب اللي بيهواني
يضحي بروحه علشاني
وهانسى اللي بينساني
ده حبي من طرف واحد
مذلة تهد بنياني
بقلمي الشاعر جمال زكي عينر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.