ثورة غضب
اهداء يا مان خليك صبور خليك ريلاكس
بلاش تكون إنسان مغرور وواخدها افش
بلاش خيالك ده يمشيك في سكه عكس
بلاش يكون قلبك غليظ جوه في شئ جبان
اوام نسيت انك إنسان
فين الموده فين رحمتك
اللي انكتب عليهم يوم دخلتك عقد القران
ولا ناسي ان ربك كمان كرمها في القرأن
بلاش تكون حد تاني بلاش تكون إنسان اناني
بلاش تغير من طباعك
وتزعل الوجه الجميل
اللي كان شايل همومك في محنتك ايام زمان
دي هي امك هي بنتك هي اختك
انسانه ذوق هي الوحيده اللي حبتك
اهدء بلاش ثورة غضب
بلاش تغير القلب الابيض اللي جوه حضرتك
وتتحول من انسان برئ لصليت لسان
لوكنت شايف ثورتك
كنت تكره اليوم اللي امك فيه ولدتك
اشرب ليمون اشرب كاكاو
لتلاقي نفسك لحظة طيش
بين اربع حيطان في الليمان
وتضيع نفسك واسرتك معاك كمان
وتعيش ندمان باقي عمرك
اللي انتهي وخلاص ضيعته بقسوتك
ومش باقي منه غير حطام
بقلم/ عادل عبد المعز محمود ماضي
جمهورية مصر العربية
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.