وانا ماشي في امان الله كلمات اشرف مفيد

 وانا ماشي في امان الله

شوفت واحد بيقول لله

منظره صعب يا حول الله

شكله كان مسكين محتاج

مسنود بعصايه من العاج

قاللي انا عايز اجيب علاج

ولا حتي في جيبي مليم

انا تعبان والله العظيم

ولا فيه شيء ف جسمي سليم

وانا ماشي في طريقي مسافر

حالته كانت تصعب ع الكافر

اتاريه كان ممثل شاطر

واكتشفت أنه مبسوط

وانا م الصدمه كنت هموت

متقمص دوره مظبوط

والشحات عنده عمارتين

وفلوس في البنك بملايين

واراضي باسمه وفدادين

وانا اللي كنت فاكره فقير

اصل عجوز وسنه كبير

كداب ومخادع شرير

وبدأت أفكر في ثواني

قولت ده كان عمل إنساني

والثواب ده كان علشاني

يعني لو ساعدت فقير

ربنا هيزيدك م الخير

ويعطيك اكتر بكتير

كلمات

اشرف مفيد

١٠١٠

٣ تعليقات

٨ مشاركات

أعجبني

تعليق

مشاركة