عايز تحب
إن كنت عايز تحب بجد
وملاقي نفسك محتاج قوي. للحب
لازم تحب اللي تشعر معاه بامان
والدفء والسعادة والحنان
اللي تحس دايما انك مشتاق إليه
حتى لو كنت بين ايديه
وانت معاه وهو معاك
لازم تحب اللي يكون مخلص وياك
ومافيش حد مشاركك وياه
لان الحب ياحبيبي
زيي الفريك مايحبش شريك
حب اللي يحس بيك
ويفهم عليك وتفهم عليه
حب اللي لازم يكون دنيتك
ايامك ولياليك
احلامك وامانيك
ويوقف معاك بصلابة
ضد الدنيا الغدارة
حب اللي يخاف ربنا
ويكون حبه ليك اكيد
مش بيتسلى بيك
يقضي معاك وقت سعيد
وبعدين يسيبك محتاس
مش عارف راسك من رجليك
لأنه اصعب حاجة بالحب
الخيانة والغدر للأمانة
حب اللي يكون معاك عالحلوة والمرة
يفرح معاك ويحزن وياك
يسمع منك همك وشكوتك
ويكون لك حبيب وصديق
واحلى رفيق بالطريق
اسمع ياصاحبي
إن لقيت حبيب زيي ماقلتلك
حبه وانت مطمن
وان مالقتش لازم تصبر وتتحمل
لغاية ما تلاقيه يانور العين
٩ ديسمبر ٢٠٢٠
عارف البديوي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.