( ما بلاش نتمنظر على بعض ) :
ما بلاش نتمنظر على بعض
ده ماحدش احسن من حد
على مهلك حاسب على مهلك
الدنيا ما بتدومش لحد
رافع راسك دايما فوق
اتعلم يا حبيبي الذوق
خليك متواضع مع ناسك
تتحب ويبقى لك سوق
الدنيا دي ساقيه ودواره
ما تفكرش تاخدها شطاره
لو عايش فى فيلل وقصور
قادر ربك تبقى ف حارة
ياما قبلك فى الدنيا اتغروا
اتكابروا وع الذنب أصروا
زى غريق لايص في البحر
لا بيغرق ولا طايل بره
على مهلك بشويش بالراحه
دنيتنا مرجيحه سواحه
مهما تهد وتبنى عليها
مش راح تلقى ف ارضها راحة
بقلمي الشاعر جمال زكي عينر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.