( يا عمر العمر يا عمرى ) :
يا عمر العمر يا عمرى
اخلى بين ايديك روحى
واسلم لك جميع أمرى
وتطلب م السما نجمه
واجيبها لك
واقول لك خدها يا قمرى
يا عمر العمر يا حبيبى
يا عشرة عمرى ونصيبى
يا دارى بك . . ودارى بى
اجيب لك م الهوا نسمه
وتهدينى عبير خدك
يطفى نارى ولهيبى
يا عمر العمر يا غالى
حياتى معاك بتحلالى
يا دايما فى السما عالى
بتنزل كل يوم عندى
تقدم لى نجوم ليلك
وتسمع منى موالى
يا عمر العمر يا هوايا
يا فرحة عمرى وهنايا
ده لما بتبقى ويايا
تنسينى اسى شجونى
وتمسح دمعة فى عيونى
واحس بفرحة جوايا
بقلمي الشاعر جمال زكي عينر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.