تِصعب نَفسي
.. على نَفسي
وَ لا يمسح دَمعة عِينيك
سِوى نَفسك
تِهونها قُلوب صَافيه
بِيها لابد تِتمسك
تِعلي الضحكه هتلاقي
الجميع حواليك
و لو تِبكي وِ لو تِصرخ
مين غِيرك سمع حِسك
عيشنا كتير في أحزانهم
وعا شانهم كنا .... بنتألم
و بنواسي
و بنطبطب
وِ ينسونا وَ لا مَرة بِنتعلم
وِ في وِسط المِحنه بِنقرر
نِكون قَاسيين وَ لانِعَبرّ
زَي ما كانوا مِش أكتر
تِمُر المِحنه..
وِ بنِنسى كُل قساوتهم
بِننسى إللي كان لينا
ولَو .. بالكلمه مستخسر
وأسأل نَفسي و أعاتبها
على النسيان
وأفكرها بِمُر القَسوه
مِ الخِلان
يتوه القلب قُدامي يكون
حيران
وِ تِصعب نَفسي على نفسي
وأكون تَعبان
دا أخوك إللي من صُلبك
في وِسط الضِّيقه مِش جَنبك
وَ لا خَالك و لا عَمك
وِيمسح دَمعِتَك كُمَّك
بقلم-أشرف رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.