لما قابلت هواك
وشوفت طيفك
جاي لي من بعيد
وقلبك قال بحبك
وانا حبيتك كمان
شفت في عينيك كلام
الجمال والشوق والحنان
شوفت سحر البحار
توهت وتاه مني الكلام
توهت في دنيا الخيال
شوفتك مع القمر
شوفتك بتناديني من هناك
من بعيد في ليل السهر
والنجوم تعزف لحبنا
لحن العشاق
لما جيت من بعيد
وناديت قلبي لهواك
وهمسك مليان حنان
صدقت ودك لقلبي
وروحي من زمان
عشقت فيك الحنان
والكيان وكل حاجة
عايشة فيك
نبض قلبك قال لي كلام
باح بسر حبك
ونظرة عينيك
قال بحبك
وحضنك كان
في حضني بالمنام
كل همسة منك
تشفي فيا ألام
عشت فى كيانك
كنت قلبك
كنت نبضك
كنت ودك
كنت عايش معايا
في اليقظة والأحلام
عشت من جديد
عمري اللي جاي
واللي راح
ونسيت دنيا العذاب
وعشت فيك
عشت لك
تايه ولهان
لقيت فيك طفل بريء
فيه كل الجمال
شوفت فيك كل الأشواق
ودمعك يسيل شلال
يغسل غربتي عنك
وانت بعيد عني هناك
كل دمعة تقول بحبك
وقلبي يقول بحبك اه
من زمان
يحزن لحزنك
ويفرح معاك
كأنه توأمك
اتخلق يعشق هواك
كلمات الشاعر : مصطفى محمد عطيه
مصر
طنطا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.