شعر غنائى ..
(( على بلد الشام ))
على بلد الشام و طير يا حمام .. بلغ سلامنا للأحباب ..
على بالنا ليل و نهار .. عمر الشوق عنهم م غاب ..
على عينا غيابهم يا حمام .. دا عيون القلب ما بتنام ..
سهرانه مع الأفكار .. محتاره ف سؤال و جواب ..
على بلد الشام ..
أمانه عليك يا حمام .. يا مسافر آخر البلاد ..
م تنسى تروح لحبيبى .. و تطول ف الغياب .. .
و خلى بالك منه .. عينك ما توهش عنه ..
و خليك هادى معاه .. و إنت بتكلمه ..
على بلد الشام ..
يا طير يا سارح ف الملكوت .. عدى علينا بسرعه و فوت ..
عشان توصل المكتوب .. و يغير عزولى و يموت ..
لما يعرف قد إيه .. حبيبى غالى ع القلوب ..
و الشوق بيروحله و يناديه .. لو كان ف بطن الحوت ..
على بلد الشام ..
بقلم الشاعر الغنائى ..
محمد البريمى ..
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.