مد إيدك وشد إيدي
ويلا أصحى وفوق أوام
السنه دى خلاص هاتخلص
قوم صلي و أدعى وماتجادلش
في إحتمال
لجل مايفك الغمام
والحياة هاتعود لحالها
زى مكانت الأيام زمان
شد وأرخي وهدي لومك
خلاص هايفك اللجام
وهاتعرف تمشي وتشوف
أمورك من غير ماتلبس
الكمام
مد إيدك وشد إيدي ويلا
خليك همام يلا سيبك من همومك
ولما تبقى ف وسط شغلك
أبقى حاسب في الكلام
إحنا شفنا السنه دى كل
هم وكلام وحيرة
والبشر على حال وحال
يالا أبدا من السنه دى
بكل همه
وأوعى تفرح ب اللي قالك
إن كله يابيه تمام
يعني نعمل بضمير لجل
ماتجي البركة فينا
وحابي ودارى على عشك
قبل ما يطير الحمام
واللي شايل هم أهله
مايجادلشى في إحتمال
دا الكبار قبل لنا قالوا
قشه بتوقع جمال
مد إيدك وشد إيدي
نبدأ العام الجديد بكل
جد ونكون رجال
Ahmed gadallah
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.