.. شعر غنائى (( عايز أضحك )) بقلم الشاعر الغنائي محمد البريمى ..

 شعر غنائى ..

(( عايز أضحك ))

عايز أضحك من قلبى زى زمان .. بس فين الضحكه اللى تملا العين ..

و إن ضحكت مره م ألاقيش التانيه .. تسبقنى الدمعه و تنزل م العين ..

أنا كل يوم و التانى .. أصحى على أحزانى ..

و الفرحه غايبه عنى .. كانها مخصمانى ..

عايز أضحك من قلبى ..

من يوم م غياب الأحبه .. و الدموع م بتفارق عيونى ..

فاتونى للحيره و العذاب .. لما الناس لامونى ..

بأتحايل ع النوم ماهوش راضى .. أجيبله منين حكم و قاضى ..

عشان يرحمنى بس شويه .. من فكرى و ظنوتى ..

عايز أضحك من قلبى ..

حتى أهلى اللى معاشرهم .. و بأقول عليهم ناس أماره ..

إتغيروا ف يوم وليله .. قلبوا ع الوش التانى يا ألف خساره ..

هانت عليهم عشرتى .. سرقوا منى فرحتى ..

أهرب أروح فين من فسمتى .. يا دنيا قوليلى إيه العباره ..

عايز أضحك من قلبى ..

بقلم الشاعر الغنائى ..

محمد البريمى ..

عرض الرؤى

معدل وصول المنشور: ٤

١فهدالصحراء الجرئ