( كفايه نظره )
خلي بالك علي قلبي خلي
ليه معذبه وظالمه تمللّْيِ
هو يعني عشان قلبي طيب
وحنون عليك بعيد أو قُريب
تتقل عليه وهو شاري ودك
وهبتهولك من يوم ماحبك
وكل اللي عايزه شوية حنان
ويحس معاك علي طول بالأمآن
إوعي تخليه يعيش في خوف
وما يحس بيك عليه ملهوف
ياحبيبي قرب شويه منه
بلاش تظلمه وتبعد عنه
خليه يحس انك حنين
لما تكون جمبه وقُرَيِّبْ
دأنا قلبي طبعه كتير غريب
مايبكيهوش غير القسيه
عشان طيب وكله حنيه
ماتعذبوش وياك ياغالي
وتسهره مشتاق ليالي
طمنه واسأل عليه
وبحبك نور لياليه
كفايه نظره منك وابتسامه
تكون بيك وبالحب فرحانه
وضحكه صافيه تنسيني العتاب
وتخليني انسي كل العذاب
لما نرجع انا وانت احباب
ما انت عندي بكل الدنيا
وفرحتي تشوفك عنيا
يا اغلي فرحه مكتوبه ليا
انت عارف لما بتسلم عليا
وايدك يادوب تلمس ايديا
باحس بالدنيا فرحانه بيا
خواطر ( أشرف الدغيدي )
حقوق الملكية محفوظه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.