ف لحظه..10
ف لحظه أنهت العشره اللي بتجمعها هي وجوزها
وعايزه ترجع أيام زمان اللي بينها وبين عاشقها
داست ع الكل وأولهم ولادها بعد ما عاشت شبابها
البدايه هي بس اللي تعرفها وعايشه معاه وقلبها مع حبيبها.
وف يوم قابلها صدفه بعد ما خالف وعده ليها ع أساس هايتجوزها
وفضل يلعب بيها وهي كانت ع ذمة جوزها وفضل وراها لحد ما خلاها تستغني عن كل شئ جميل بالنسبالها
ولما سمعت كلامه ع أساسه ببحبها وهايسترها وهايبني بيت جميل ويعيش معاها ويكون حبيبها
ولما أطلقت ملت قلبه الفرحه كتب عليها عرفي وبعدين يلبي رغبتها
ف الكباريه وشغلها وعشان الفلوس استخدمها بعد ماكانت زوجه صالحه وقاعده ف وسط ولادها
بهدف يتجوزها سمعت كلامه عشان كانت بتحبه ومن البداية كان حبيبها
تشرب وتسكر وعايزه تنسى يفضل يضربهاويذلها ويهنها وأصبحت هي الضحيه لكن هي اللي اختارت طريقها
وأصبحت مالهاش لازمه تفتكر ولادها تبكي وكانت فاكره أنه هايكون ف صالحها
وتعيش معاه ويعوض اللي فات من أيامها لكن النتيجة أصبحت مدمنه ومش شايفه حتى قدامها
يكسب من وراها وهي ف طريق الحرام شارده ولما كبرت رماها وشاف غيرها.
وف يوم دخل عليها عشان تمشي وتترك شقتها وفجأه اشتد غضبها وبالسكينه ف قلبه راحت غزه و أنهت معاه قصتها.
صراخ وعويل واتحكم عليها بالاعدام ونفسها تشوف ولادها قبل ماتقابل اللي خلقها
أرسلوا لجوزها وبحكم العشره نفذ وصيتها والدمعه من عينه فره عشان كان عاشقها
والأولاد ماحدش فيهم عايز يقرب منها وخايفين من شكلها ومنظرها
لكن بعد ايه ياصاحبة العفاف والرحمه هو دا آخرة الحرام وانتي أساس الكارثة وانتهت بإعدامها.
عشان كده ناخد بالنا ونعيش ونرضى باللي ربنا قاسمهونا
وننسى الماضى والذكريات ونفكر ف مستقبلنا ونقول يارب اهدينا واصلح حالنا
وبلاش شغل اوهام حتى لو حقيقه كل شئ مكتوب ولابد يواجهنا
يعني مش بختيارنا مش معنى نحب يبقى خلاص اتجمعنا
ربنا الوحيد هو اللي بيحدد مصيرنا ف الدنيا ومين لمين اهم شئ نأدي واجبنا ونربي ولادنا
العمر بيجري ودنيا زايله ومش هانخد غير نصبنا واللي ربنا كاتبهونا
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا ويرسم الفرحه داخل قلوبنا..
الشاعر طاهر مختار عتيت
شاعر العصر.....تحيا مصر
طنطا..كفر الزيات..أكوه الحصه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.